သရုပ်ဖော်ပုံ အိမ်ချမ်းမြေ့
“သက်တံ့ဆယ်စင်း”
လက်ဝယ်ရောက်မလာခင်ကတည်း
အွန်လိုင်းမှကြေညာထားမှုကိုမြင်ခဲ့ပြီး ကြည်နူးပီတိဖြစ်နေခဲ့ရပြီး
ဖြစ်သည်။ ဒီအထဲက နာမည် နှစ်ခု၊ သုံးခုလောက်သာ ကျွန်မရင်းနှီး
ကျွမ်းဝင်ခဲ့သည်ဖြစ်ပြီး ကျန် အမည်နာမများကတော့ နာမည်ရဘလော့ဂ်ဂါများ
အဖြစ်သာ သိရှိရုံ သိရှိထားခဲ့သည်သာ...။ ကျွန်မသည် အပြင်စည်းမှ
သာမာန်လူတစ်ယောက်သာ ဖြစ်ပါသည်။ အွန်လိုင်းတွင် အသိမိတ်ဆွေ မများလှသော
ကျွန်မအတွက် သူတို့အများစုသည် သူစိမ်းပြင်ပြင်။ သို့သော် ကျွန်မ ၀မ်းသာသည်၊
ကြည်နူးပီတိဖြစ်သည်၊ အားကျဂုဏ်ယူသည်။ ဒါသည်ပင် စာပေကို အရင်းတည်သော
ချစ်ခြင်းမေတ္တာဖြစ်လေသည်လား။ ထိုစာအုပ်ကလေးကတော့ စာမေးပွဲဖြေဆိုနေသည့်
ရက်များအတွင်းတွင်ပင် ကျွန်မထံသို့ လက်ဝယ်ရောက်ရှိလာခဲ့လေပြီ။
မာတိကာကို
ကြည့်လေ့မရှိသော၊ ကျေးဇူးတင်စကား၊ အမှာစာတို့ကို နောက်ဆုံးမှဖတ်လေ့ရှိသော
ကျွန်မ...အဖွင့်ဝတ္တုတိုတစ်ပုဒ်ဖြစ်သည့် “ကတ်ကြေးတစ်ကိုက်” မှာ
လွင့်ကနဲဖြစ်သွားရသည်။ “ညီလင်းသစ်” တဲ့...ဒါ ကျွန်မ အွန်လိုင်း စသုံးကာစမှာ
ကြားဖူးခဲ့ရသည့် နာမည်..။ သို့သော် ကျွန်မ သူ့ကို မသိပါ။ သူ့ရဲ့
အရေးအသားတွေတွင် ရိုးရှင်းမှုနှင့် အတူ စကားလုံးကျစ်လျစ်မှုတွေ မြင်တွေ့ရ
သည့်အခါ ကျွန်မ တအံ့တသြ။ ကျွန်မတို့ မဂ္ဂဇင်းလောကတွင် ရသစာပေများကို
အာသာငမ်းငမ်း လိုက်လံ ရှာဖွေနေရချိန်တွင် အွန်လိုင်းစာပေလောကမှာ ဒီလို
ဝတ္တုတိုရေးလက်တွေ ဘယ်လောက် တောင် ရှိနေကြပါလိမ့်။ ညီလင်းသစ် ရေးသွားတာ စ
လယ် ဆုံး သေသေသပ်သပ်။ ကျွန်မ တို့ ဆရာ့ ဆရာကြီါ်များ မကြာခဏ ကျူးရင့်ကြသလို
Target တစ်ခုကို ရောက်အောင်ရေးသွားနိုင်သည့် ၀တ္တု တစ်ပုဒ်ပင်။
“ကြမ်းပြင်ပေါ်
တစွန်းတစကျနသည့် တစ်ဖက်ခန်းမှ မီးရောင်ဖြင့် သားရဲ့ မျက်နှာလေးကို သူတွေ့နေ
ရသည်။ သူ့လက်ပေါ်မှာ အပူအပင်ကင်းမဲ့စွာဖြင့် အိပ်ပျော်နေသော မျက်နှာ
ကလေး...။ စောစော တုန်းကတော့ ဗိုက်ဆာနေ၍ထင့်၊ မျက်နှာတွေ နီရဲလာအောင်
တ၀ါးဝါးအော်ငိုနေခဲ့သေးသည်။”
အချိန်ကာလ၊ တည်နေရာ၊
ပတ်ဝန်းကျင်အခြေအနေ၊ ချစ်ခြင်းမေတ္တာတရားတို့ကို သူသည် စာကြောင်း သုံး
လေးကြောင်းနှင့် ရက်ဖောက်နိုင်ခဲ့သည်။ သူ့ သားကလေးနိုး သွားမှာ
စိုးသည့်အလား ကျွန်မပင် အသက်ရှုသံခပ်တိုးတိုးနှင့် စာရွက်ကို
ဖွဖွလှန်လို့.....။ ရှေးရိုးဆန်သည်ပြောချင်ပြော... မော်ဒန်တွေ၊ နိမိတ်တွေ၊
နားမလည်အောင် ၀ှက်ရေးမှုတွေထက် ဒီလို ရိုးရှင်းသည့် အရေးအသားမျိုး ကို
ကျွန်မ နှစ်သက်လှပါသည်။
ဖခင်တစ်ယောက်၏
သူ့သားကလေးအပေါ် ထားသည့်မေတ္တာ၊ သားကလေးရရှိချိန်တွင် ခံစားရသည့် နူးညံ့မှု၊
တုန်လှုပ်မှု၏ ၀မ်းသာမှုတို့အား သူ ဖော်ကျူးနိုင်ခဲ့သည်။ သားချက်ကြိုးကို
ကတ်ကြေးဖြင့် ကိုက်စဉ်ခံစားမှု၊ ချက်ကြိုးပြတ်တောက်သွားစဉ်
အရောင်စုံသွားသည့် ခံစားမှု၊ သားကလေး ရောက်ရှိ လာခြင်း အပေါ် ၀မ်းမြောက်
ဝမ်းသာကြိုဆိုသော၊ သား အတွက် မားမာမတ်မတ် ရပ်တည်ပေး လိုသော၊ မိဘတာဝန်
အပြည့်ထမ်းဆောင်ဖို့ တက်ကြွနေသော ဖခင်တစ်ယောက်၏ နှလုံးရိုက်ခတ်
သံများ.....။ ၀တ္တုတို တစ်ပုဒ်လေးအတွင်းမှာပင် ပစ္စက္ခအခြေအနေ၊ အတိတ်၊ အနာဂတ်
အလုံးစုံကို ရက်ဖောက်ရေးသွားနိုင်ခဲ့သည်။
“သေချာသည်ကတော့ ချစ်ခြင်းမေတ္တာဖြင့် စိုက်ပျိုးခဲ့ခြင်း ဖြစ်လေသည်”
ဝတ္တုကို အဆုံးသတ်
ဖတ်ပြီးချိန်၌ ကျွန်မ အကြိုက်ဆုံး စာကြောင်းပင် ဖြစ်သည်။ ဒီတစ်ကြောင်း
တည်းနှင့်ပင် ကျွန်မမျက်ဝန်းများခေတ္တမှေးမှိတ်ကာ သားကလေးနှင့် သူ့
ဖခင်လူငယ်ကလေးကိုမြင်ယောင်လာမိသည်အထိ “ကတ်ကြေးတစ်ကိုက်” က
ဆွဲဆောင်နိုင်ခဲ့ပါသည်။ ညီလင်းသစ် စိုက်ပျိုး ခဲ့သော သစ်ပင်ပေါက်ကလေးကို
ကျွန်မမြင်နေရသည်လား..။ သူ့ “ကတ်ကြေးတစ်ကိုက်”က လှပ လွန်းလှသည်။
မယ်ကိုး ၏
“ဖြူတစ်ကောင်ရဲ့ဖြောင့်ချက်” ကတော့ ရသစာတမ်းဆန်ဆန်ပင်။ မိန်းမငယ် တစ်
ယောက်ရဲ့ ခံပြင်းနာကျင်မှု၊ သိမ်ငယ်ရှက်ရွံ့မှု၊
တမြေ့မြေ့လောင်မြိုက်မှုတွေကို ဖတ်ရင်း ဖတ်ရင်း မှ တစစ မြင်လာသလို...။ “သူမ
ဘယ်သူလဲ...သူ ဘယ်သူလဲ.....ဘာတွေ ဖြစ်ပျက်ခဲ့သလဲ ??? ” စသဖြင့်
ဖွင့်ဆိုရှင်းပြ တန်ဆာဆင်ထားစရာ မလိုပဲနှင့် မိန်းမငယ်တစ်ဦး၏ စိတ်တွင်း
အဇ္ဈတ္တခံစားမှု ရှုထောင့်မှ တရိပ်ရိပ်ရေးပြ သွားခြင်းမျိုး ဖြစ်သည်။
“အမျက်မိုးကြိုး၊ ထစ်ချုန်း အမုန်း နဲ့ ဒေါသလျှပ်စစ်တွေရယ်။ စာနာပါ။”
ဒီလို
အရေးအဖွဲ့လေးများကို ဖတ်ပြီး ကျွန်မ ပြုံးမိတော့မလို။ မယ်ကိုး စကားလုံးတွေ
သုံးသွားတာ လှသလို စာကြောင်းတွေကလဲ ချောမွေ့ပြေပြစ်လှပါသည်။ ခပ်တိုတို
သူ့စာတမ်းကလေးက ခံစားမှု အရှိန်အဟုန်ကို ပေါ်လွင်အောင် ရေးသားသွားခဲ့သည်။
နောက် တစ်ပုဒ်
ဖြစ်သည့် သတိုး ၏ “သစ္စာအထားအသို” ကို ဖတ်မိချိန်မှာ နောက်ထပ် ၀တ္တုတို
ရေးလက်ကောင်းသူ တစ်ဦးကို ထပ်မံမြင်တွေ့ရပါသည်။ သတိုး ဟူသည့် နာမည်ကိုတော့
ကျွန်မ သိနှင့်နေသလို။ မဂ္ဂဇင်းစာမျက်နှာထက်မှာ ရံဖန်ရံခါ
တွေ့ဖူးသည်ထင်ပါသည်။
အခန်းအကူးအပြောင်း၊
ဇတ်ကြောင်း အချိတ်အဆက်၊ မြိုင့်ဘ၀၊ မြိုင့်စိတ်ဓာတ်၊ မြိုင့်ရဲ့
တာဝန်ယူလိုမှု၊ ကိုသွင် ရဲ့ ယိမ်းယိုင်လွယ်သော၊ မခိုင်ကျည်သော
စိတ်ဓာတ်တို့ကို အထင်းသားပေါ်လွင်အောင် ရေးဖွဲ့ထားသည်။ လောကဓံကြမ်းကြမ်းကို
တစ်ယောက်တည်း ရင်ဆိုင်အံတု ဖြေရှင်းနေသော မြိုင်။ ကိုသွင့် ထံမှာ
အကူအညီတေင်းတာ မနှစ်မြို့လှပေမယ့် မြိုင့် အတွက် တခြားနည်းလမ်းလည်း
ကူစဉ်းစားမပေးတတ်။ မိဘ လက်ငုတ်လက်ရင်းကို ကျားကုတ်ကျားခဲ
ဆက်လက်ရှင်သန်စေလိုသောမြိုင်။မြိုင်နှင့်ကိုသွင် ချိန်းဆိုသောနေ့တွင်မှု
ဘယ်လိုဖြစ်တော့မည်ဆိုတာ ကျွန်မ ရိပ်စားစပြုလာသည်။ ကိုသွင့်ထံက
အကူအညီမတောင်းနဲ့လေ မြိုင် ရဲ့.....စိတ်တွင်းမှ အကြိမ်ကြိမ် သတိပေးရင်းကပင်
မြိုင် ကိုသွင့်ကို ရင်ဖွင့်လိုက်သောအခါ ကျွန်မ နှမြောတသ....။
“ကိုယ့် အတွက် ကိုယ်ထက် သူများပေးစရာ မရှိတာက ရှက်စရာပိုကောင်းတယ် ကိုသွင် ရဲ့။ လျစ်လျူရှုလို့လည်း မရဘူးလေ။ အို...ကိုသွင်...”
ဒီအခန်းအဆုံးသတ်မှာ
သက်ပြင်းတစ်ခုကို ခပ်သဲ့သဲ့ ချလိုက်မိသည်။မြိုင်ရယ်.......။ ကျွန်မ
မလိုချင် သော အဆုံးသတ်ကို မြိုင်က ဖန်တီးခဲ့ပြီ။
“မြိုင့် လက်ထဲက
အတန်အသင့်လေးနစ်သော ငွေထုတ်ကိုမြင်လျှင် လတ်တလော အခိုက်အတန့် တော့ မေမေ
ပျော်ရွှင်သွားမည် ထင်ပါသည်။ ဒါပေမယ့်မြိုင်သိချင်တာက ထိုအပျော်တွေဟာ ဘယ်
လောက်ကြာရှည် တည်တံ့နိုင်မလဲဆိုတာ...။”
မြိုင် သိချင်သလို
ကျွန်မ လည်း သိချင်လှပါသည်။ ဒါဟာ အကောင်းဆုံး ဖြေရှင်းနည်းတစ်ခုတော့
မဟုတ်ဘူး မြိုင်။ မြိုင့် လုပ်ငန်းပြန်လည်လည်ပတ်နိုင်ရဲ့လား။ နောက်
တစ်ရာသီမှာ အဆင်ပြေပြေ လည်ပတ်သွားနိုင်ပါ့မလား။ ကိုသွင့်ရဲ့
ကျေးဇူးတရားတွေကော မြိုင် ဘယ်လိုဖြေရှင်းမှာပါလိမ့်..။
တကယ့်လက်တွေ့ဘ၀ထဲတွင် သစ္စာအထားအသိုတွေ မှန်ကန်မိစေဖို့ ကျွန်မ တို့
မိန်းမသားတွေ ကြိုးစားကြရမည်သာ။ သတိုး၏ “သစ္စာအထားအသို” က ကျွန်မကို
ပင့်သက်တွေ၊ ရင်မောစရာတွေ၊ အားမလိုအားမရဖြစ်စေမှုတွေနှင့် ထားရစ်ခဲ့ပါသည်။
သတိုး ၀တ္တုတို အရေးကောင်းလှသည်။
မြသွေးနီ ကတော့
လူချင်းခင်မင် မရင်းနှီးသော်လည်း ကလောင်နာမည်ကိ သိကျွမ်း နှင့်ပြီးသည့် သူ
တစ်ယောက်ဖြစ်သည်။ ကျွန်မ ဘက်မှ ဆိုပါတော့လေ..။ မဂ္ဂဇင်းစာမျက်နှာထက်မှာ
တွေ့ဖြစ်သလို Teen Magazine နှင့် ပတ်သတ်၍လည်း သိနှင့်နေခဲ့ပြီး ဖြစ်သည်။
မြသွေးနီ၏ ရေးလက်ကို ကျွန်မ ကြိုက်နှစ်သက်ခဲ့ပြီးသားပင်..။
“သံသယ ကန့်လန့်ကာ”
ကို ဖတ်ရှုရပါသည်။ ကွင်းစိမ်းတစ်ခုကို ရေးဖွဲ့ထားပါသည်။ ရေကူးကန်ကို
လာရောက်ကြသူများနှင့် ရေကူးကန်မှ ၀န်ထမ်းမိန်းမငယ် နှစ်ယောက်၏
စိတ်နေစိတ်ထား၊ လုပ်ငန်း ဆောင်တာတွေကို စိတ်ဝင်စားဖွယ် ရေးပြသွားသည်။
ဇာတ်လမ်းရဲ့အဖွင့်အပိတ်၊ ဇာတ်ရှိန် အမြင့်အတက်ကို စာဖတ်သူစိတ်ဝင်စား
သိချင်လာအောင် လှလှပပရေးဖွဲ့သွားပါသည်။ အကြောင်းအရာက
သာမာန်ပင်...ထူးထွေဆန်းပြားမပါ။ သို့သော် လူ ဟူသည့် မာယာမျိုးစုံကို မြင်
လိုက်ရသလိုရှိသည်။ “မမ” လို လူစားမျိုးတွေ တကယ့်ကို ကျွန်မတို့
လက်တွေ့ပတ်ဝန်းကျင်မှာ ရှိပါသည်။ အဆုံးမှ မြှပ်ကွက်ကို ဖော်လိုက်သော
“သံသယကန့်လန့်ကာ” သည် လှပသေသပ်သော ၀တ္တုလေးတစ်ပုဒ်ပင်။
ဏီလင်းညို၏
“နိဂုံးမဲ့ တေးသွား” ကို ဆက်လက်ဖတ်ရှုရပါသည်။ ထူးထွေအကြောင်းအရာ
မဟုတ်သော်လည်း တစ်ညနေခင်းတစ်ခုကိုပင် အခြေပြုပြီး ချစ်သူနှစ်ဦး၏
ပိုင်စိုးလိုမှု၊ ချစ်ခြင်းမေတ္တာ တရား၊ ၀န်တိုမှု၊
ခွင့်လွှတ်နားလည်ခြင်းတွေကို တသိမ့်သိမ့်မြင်လာစေပါသည်။ အတက်အကြွ သိပ်မရှိ
လှသော်လည်း ပြေပြစ်သော အရေးအသား၊ အခန်းအကူးအပြောင်း သေသပ်မှုလေးတွေက စာဖတ်
သူကို အဆုံးထိ ဆွဲဆောင်နိုင်ခဲ့ပါသည်။
ခင်လေးငယ် ၏
“သက်ငြိမ်၌ စီးမျောခြင်း” က ခေါင်းစဉ်နှင့် ဟပ်မိနေသော ကဗျာဆန်လှသည့်
အက်ဆေးတစ်ပုဒ်ပင်။ နူးညံ့သိမ်မွေ့ခြင်းတွေနှင့် ဖွဲ့တည်ထားသည့်
ချစ်သူနှစ်ဦး၏ လှပသော ချစ်ခြင်း မေတ္တာ၊ အဇ္ဈတ္တ၏ ရိုးတွင်းအထိ
တိတ်ဆိတ်ငြိမ်သက်မှုတွေကို ရေးဖွဲ့ထားသည်။ စိတ်အလျဉ် သိမ်မွေ့ လှသည့်
ကဗျာတစ်ပုဒ်နှယ့်...။ ချစ်စရာတော့ ကောင်းလှသည်။
မြစ်ကျိုးအင်း ၏
“အမေ့စိန်နားကပ်” တွင် မိခင်မေတ္တာကို လှစ်ကနဲ မြင်တွေ့လိုက်ရသည်။ သမားရိုး
ကျဆန်သော ဇာတ်လမ်းတစ်ပုဒ်ဖြစ်ပေမည့် ရိုးရှင်းပြေပြစ်သော အရေးအသားက
ဆွဲဆောင်နိုင် ခဲ့ပါသည်။
အိမ့်ချမ်းမြေ့ ၏
“ခရေရှင်” ကို ဆက်လက်ဖတ်ဖြစ်ပါသည်။ သူ သည်လည်း ကဗျာဆန်သည့် ၀တ္တုတို
တစ်ပုဒ်ပင်။ ဇတ်လမ်း အကူးအပြောင်းလှပသည်။ ချစ်ခြင်းမေတ္တာနှင့်
လွမ်းမောခြင်းတွေကို လှလှ ပပရေးဖွဲ့ထားသည်။ သို့သော် ဇာတ်အဖွင့်အပိတ်
အနည်းငယ်တော့ ရုပ်ရှင်ဆန်ပါသည်။ လွမ်းမောခြင်း ကို စူးရှရှတော့ မရပါ။
သို့သော် လှပသေသပ်သော အရေးအသား၊ စကားလုံးနူးညံ့မှုတွေက
အဆုံးထိဆွဲခေါ်သွားနိုင်ပါသည်။
“ရေလာမြောင်းပေးပြုခြင်း”
“ပဲထုတ်ခြင်း” “ကြိုး ရှည်ရှည်နှင့် လှန်ထားခြင်း” စသည့် စကားလုံးများ
ရှိမနေသည့် သူမ၏ အဘိဓာန်စာအုပ်အောက်မှာ လေ့ကျင့်ခန်း
စာအုပ်တစ်အုပ်ရှိလေသည်။”
“ခရေ တို့ အကြိမ်ပေါင်းများစွာဝေ၍ အကြိမ်ပေါင်းများစွာ ကြွေခဲ့လေပြီ”
“စာမျက်နှာ သည် မစီးချင့်စီးချင် စီးဆင်းလာနေသော စမ်းရေတစ်စင်းနှယ် တထစ်ခြင်း ပြန်ပွင့်လာလေသည်”
အရေးအသားလေးများက ချစ်စဖွယ်။ ချစ်ခြင်းမေတ္တာ၏ လေးနက်ခိုင်ကြည်မှုကို လှစ်ကနဲ မြင်လိုက်ရပါသည်။
ရေခဲငှက် ၏
“မြင်းရိုင်း” တွင် လူငယ်တစ်ယောက်၏ အားမာန်၊မိသားစု၏ ချစ်ခြင်းမေတ္တာ၊ ဘ၀ကို
ရင်ဆိုင် အံတုကျော်လွှားလိုသော စိတ်အင်အားတို့ကို မြင်တွေ့ရပါသည်။
ဝတ္တုတိုဟု ပြော၍ ရသလို ပုဂ္ဂလိကပေးစာ သဘောမျိုး ရသဆောင်းပါးလည်း ဆန်ပါသည်။
“အမေ့ အတွက် ကျွန်တော်က အမှောင်ကို ခွင့်မယ့် အလင်းတန်းလေး တစ်ခု ဖြစ်ချင်ခဲ့တာပါ အမေရယ်”
“အခက်အခဲတွေ
တင်းကြမ်းပြည့်နှက်နေတဲ့တောအုပ်ကြီးထဲမှာ လွှားကနဲ ရိပ်ကနဲပြေးနှင်နေတဲ့
မြင်းရိုင်းတစ်ကောင်ရဲ့ အားမာန်မျိုးကို မဆုတ်မနစ် မွေးမြူပြီး
ရှေ့ဆက်ရမယ့် ဘ၀ခရီး တစ်လျှောက်လုံး ခွန်အားအပြည့်၊ မာန်ဟုန်အပြည့် နဲ့
ဆက်လက် ခရီးနှင်သွားမှာပါ”
ဒီစာသားတွေက အဓိက ကျောရိုးဟု ထင်မြင်မိပါသည်။
မြတ်မွန် ၏
“မေတ္တာဖြင့်မိုး နှလုံးသားဖြင့်ကာ” ကို ဖတ်ရချိန်တွင် ရေမြေနေရာဒေသကို
လိုက်၍ အပြောအဆို၊ ဓလေ့စရိုက် ပြောင်းလဲပုံ၊ ရေခြားမြေခြားရောက်
မြန်မာမိသားစုလေး၏ ဘ၀ အခြေအနေ၊ သားသမီး များအပေါ် လိမ္မာယဉ်ကျေးစေလိုသော၊
အနာဂတ် အတွက် အကောင်းဆုံး ကိုသာ ဖန်တီးပေးလိုသော မိခင်နှင့် ဖခင်၏
ချစ်ခြင်းမေတ္တာ ကို အထင်းသား မြင်နေရပါသည်။
“ရုပ်ဝတ္တုများ နောက်ကို လိုက်ရင်း နှလုံးသားများ လုံးပါးပါးရမည်ကို ကျွန်တော်တို့ မလိုလားကြတော့”
”ကြီးသူကို ရိုသေ၊
ငယ်သူကို လေးစားတတ်သော နေရာတွင်သာ ကျွန်တော်တို့ မိသားစုဘ၀ အိမ်ကလေးတစ်လုံး
အသစ်ပြန်ဆောက်ကြမည်။ ထို အိမ်ကလေးကိုတော့ မေတ္တာဖြင့် မိုး၍ နှလုံးသားနှင့်
ကာရံထားမည်ဟု ကျွန်တော်တို့ ဆုံးဖြတ်ထားကြပါသည်။”
ဇာတ်ကို
အရှိန်မြင့်စေဆုံး စာကြောင်းများပင်။ ကျွန်မ တို့ သားသမီးတွေကို
ရုပ်ဝတ္တုပြည့်စုံစေရန် ဖန်တီးပေးရုံနှင့် မပြီးသေး
ချစ်ခြင်းမေတ္တာတရားရှိဖို့၊ လိမ္မာယဉ်ကျေးမှုရှိဖို့ စိတ်နှလုံးလှပအောင်လည်း
သင်ပေးဖန်တီးဖို့ လိုအပ်ကြောင်းမြတ်မွန်က အလင်းတန်းပြလိုက်ပြီ။
နိုင်ငံခြားရောက် မြန်မာ မိသားစုများသာမက၊ ပြည်တွင်းနေ မိသားစုများ အတွက်ပါ
စဉ်းစားရမည့် ကိစ္စတစ်ခုကို ပြသလိုက် ပါသည်။ ၀တ္တတိုရေးသူ တစ်ယောက် အနေနှင့်
မြတ်မွန် တာဝန်ကျေပါသည်။
ဝတ္တုဆယ်ပုဒ်ဖတ်ပြီးနောက်တွင်
စာရေးသူ ဘလော့ဂါများ၏ ပရိုဖိုင်လေးများကို မြင်ရလေသည်။ စာရေးသူများ ၏
အတွေး၊အမြင်၊ ဖြတ်သန်းတည်ရှိရာ ဘ၀ပုံရိပ်ခပ်ပါးပါး တို့ကို ဖော်ပြထားသည်။
ဆရာ၊ ဆရာမများ၏ ကိုယ်ပိုင်ဒိုမိန်းများ၊ အီးမေးလ်လိပ်စာများ နှင့် စနစ်တကျ။
ကွန်ပျူတာနဲ့ အရိပ်အယောင်ပြထားသော ရုပ်ပုံလေး များကို ကြည့်ရင်း
ဓာတ်ပုံလေးများတွဲရက် ဖော်ပြထားလျှင် ဘယ်လောက်ကောင်းလိုက်မလဲ ဆန္ဒဖြစ်ပေါ်
မိသေးသည်။ သူတို့ ရေးသားခဲ့သည်များကို ဖတ်ရှုပြီးသွား၍လား ကျွန်မနှင့်တော့
အတန်ငယ် ရင်းနှီးလာကြ သလို..။ ရှေ့ဆက်၍ စာရွက်များကို မလှန်မိသေးဘဲ
ကျွန်မအတွေးစတို့ ခပ်ပါးပါးလွင့်မြောနေသည်။ ဖတ်ခဲ့ပြီး သော ရသများနှင့်
သူတို့၏ စိတ်ဝိညာဉ်များကို မရည်ရွယ်ဘဲ ဆက်စပ်ပုံဖော်မိနေသည်။ တချို့က
နူးညံ့သည်။ တချို့က စူးရှသည်။ တချို့က လှပသည်။ တချို့က သိမ်မွေ့သည်။
တချို့က လျှို့ဝှက်ဆန်သည်။ ဘ၀အခြေ အနေ အမျိုးမျိုး၊ နယ်ပယ်အမျိုးမျိုးမှ
အနုပညာချစ်စိတ်ထပ်တူညီမှုက သက်တံ့ရောင်စုံများကိုဖြစ်ပေါ်ခဲ့လေ ရော့သလား။
ရင်ထဲတွင်အမျိုးအမည်မသိသော ခံစားမှုက လှပ်ကနဲ။ ဒုတိယပိုင်းကို
ဆက်လက်ဖတ်ရှုချင်သော အာသီသတို့က လှုပ်ရှားရုန်းကန်လာသည်။
မြတ်မွန် ၏
“မသိကိန်း၏တန်ဖိုး” ကို စတင်ဖတ်ရှုရပါသည်။ စတင်၍ ဖတ်ကာစတွင်
ပထမတစ်ပုဒ်နှယ်ပင် ရေခြားမြေခြားရောက်မြန်မာမိသားစုအခက်အခဲအကြောင်း
တင်ပြထား သည်ဟု ထင်မြင်မိသေးသည်။ရေမြေခြားတွင်မြန်မာမိသားစုလေးတစ်ခုအတွက်
နားခိုရာအိမ်တစ်အိမ်ရရန် အခက်အခဲဖြစ်ပုံ၊ သူငယ်ချင်းဖြစ် သူ၏
အိမ်ခန်းကျဉ်းကျဉ်းလေး တွင် ခေတ္တတွဲလျက်နေထိုင်ကြရင်း အိမ်ခန်းတစ်ခန်းရရန်
အပူတပြင်းရှာဖွေရပုံ တို့ကို ဖော်ပြထားသည်။ ဖတ်သူ ကျွန်မပါ သူတို့အတွက်
အိမ်ခန်းလေးတစ်ခန်း အဆင်ပြေပြေ ရစေချင် လာ သည်။ သူတို့
အိမ်ခန်းလေးတစ်ခန်းရရှိသွားသော အခါမှ ကျွန်မ သက်မချကာ စိတ်သက်သာရတော့သည်။
သို့သော် ထိုနေရာတွင် ၀တ္တုက အချိုးအကွေ့တစ်ခုသို့ ရုတ်တရက် ကူးပြောင်း
သွားသည်။ မိသားစုတွင်းမှာ နေမကောင်းဖြစ်မှု၊ အလုပ်အကိုင်အဆင်မပြေမှုတွေနဲ့
ရစ်ပတ်လာသည်။ ဒါကို လမ်းဦးတိုက်ဖြစ်နေ၍လားဟု သူတို့သံသယ ရှိလာသောအခါ
ကျွန်မ မျက်ခုံးပင့်မိသည်။ ဂမ္ဘီရဘက်ကိုများ ရောက်သွားတော့မှာလား။
ဝါးပင်ပေါက်ကလေးတွေစိုက်၍ တံခါးဝတွင်မှန်ကလေးချိတ်လိုက်ကြသောအခါ သူတို့
အဆင်ပြေသွားကြ တော့ မလား ကျွန်မတွေးမိသေးသည်။ သို့သော် ၀ါးပင်လေးခမျာလည်း
အစွမ်း မပြရ ရှာပါ။ ထူးမခြားနား အခြေ အနေများနှင့် ကြုံကြိုက်လာရသောအခါ
သူတို့ နောက်တစ်အိမ် ပြောင်းဖြစ်ကြ ရတော့သည်။ သို့ပေမယ့်
လူဆိုသည့်အမျိုးအနွယ်သည် ကိုယ် သိချင်သည်များ၊ တအုံနွေးနွေး
ဖြစ်နေသည်များကို သိလိုက်ရမှဖြစ်လေရာ အဆိုပါ လမ်းဦးတိုက်အိမ်ကလေးတွင်
အရင်နေသွားသော လူမျိုးခြားမိသားစုထံဆက်သွယ်ကာ မေးမြန်းကြ သည်။ ဒီနေရာမှာ
လီချန်ဖြေလိုက်သော အဖြေစကားကို ကျွန်မ သဘောကျ လှသည်။
“ခင်ဗျားပြောတာမျိုး
အခုမှကြားဖူးတယ်။ ကျွန်တော်တို့ အဲဒီ့မှာနေခဲ့တာနှစ်နှစ်ကျော်ကြာတယ်။နေမကောင်းတာလည်း ရှိတာပဲလေ။ အလုပ်အကိုင်ဆိုတာလည်း အဆင်မပြေတဲ့ အခါမျိုး
ရှိတာပေါ့။ ကျုပ်တို့ဖြင့် နေမကောင်းဖြစ်ရင် ဆေးခန်းသွားလိုက်တာပဲ။
တစ်ဘက်ကလည်း မဖျားမနာအောင် အနေအထိုင်တော့ ဂရုစိုက်ရတာပေါ့လေ။ အလုပ်အဆင်
မပြေရင်လည်း ပြေတဲ့အချိန်ပြန်ရောက်အောင် ကြိုးစားဖို့ပဲတွေးတယ်။
အခုပြောင်းဖြစ်တာကလည်း အိမ်သစ်ဝယ်ဖြစ်လို့ပြောင်းဖြစ်သွားတာ၊ အရေးကြီးတာက ကိုယ့် လုပ်ရပ်ကောင်းနေဖို့ပဲ မဟုတ်လား”
လက်တွေ့ဆန်သော
သိပ္ပံနည်းလမ်းမှ အမြင်ဟုထင်မြင်ယူဆဖွယ်ရှိသော်လည်း တကယ်တော့
စိတ်စွမ်းအင်နှင့်ပါ ပတ်သတ်ဆက်နွယ်နေပါသည်။ ကျွန်မတို့မြန်မာလူမျိုးများ၏
အရိုးစွဲအယူအဆများ၊ ဥပါဒါန်များက မသိစိတ်ကိုပါ အုံ့မှိုင်းစေကာ
လက်တွေ့ဘ၀နေထိုင်မှုကိုပါ ထိခိုက်ပတ်သတ်စေပါသည်။ အယူအဆမရှိသောသူများ၏
စိတ်တွင်းတွင်မူ စိတ်သည်ထိုအရာများနှင့် ပတ်သတ်၍ငြိမ်သက်ကြည်လင်နေရာ
လက်တွေ့ဘ၀သို့ ပတ်သတ်လာခြင်းမရှိတော့ပါ။ လီချန်၏ နောက်ဆုံးစကားက ၀တ္တု၏
အရှိန်ကို အမြင့်ဆုံးထိ မြှင့်တင်နိုင်ခဲ့သည်။
“ကျွန်တော့် အဖေ ပြောနေကျစကားတစ်ခွန်းရှိတယ်။ တချို့ကိစ္စတွေက မသိတာက ပိုတန်ဖိုးရှိတယ်တဲ့ ”
မြတ်မွန်ပြလိုသော
ရှုထောင့်ကို ကျွန်မ လက်ကနဲမြင်လိုက်ရသည်။မသိကန်းတစ်ခု၏ တန်ဖိုးကို
ကျွန်မတို့တွေ ဘယ်လောက်အတိုင်းအတာ ပမာဏအထိ မြင်နိုင်ကြမှာ
ပါလိမ့်..........။
ရေခဲငှက်၏
“တိမ်နဲ့ရေးတဲ့ အိမ်”ကိုနှစ်ကြိမ်လား၊ သုံးကြိမ်လားမသိ ကျွန်မ
ပြန်ပြန်လှန်လှန်ဖတ်ဖြစ်ပါသည်။ တကယ်တော့ ပထမတစ်ကြိမ်တွင်
သာမာန်အလွမ်းသိပ်သည်းဆ များနေသည့် အဝေးရောက်ဝတ္တုတစ်ပုဒ်သာ ထင်မြင်မိ၍ပင်..။
နောက်တစ်ကြိမ် ဖတ်ဖြစ်သောအခါတွင်မူ ကျွန်မ ရင်ထဲလှိုက်ကနဲ...။ သူပြောချင်တာ
ရိုးရိုး အလွမ်းမဟုတ်ဘူး။ သူသွားနေတဲ့ တောလမ်း၊ တောင်လမ်းတွေဟာ
ရိုးရိုးခရီးမဟုတ်ဘူး။ တဂိုး၏ “ခရီတထောက်နားခြင်း” ကို စွဲလမ်းခဲ့ဖူးသော၊
ငယ်စဉ် ဖတ်စာအုပ်မှ “ခရီးသည်” ကဗျာလေးကို နှစ်သက် ခဲ့ဖူးသော ကျွန်မ အတွက်
သူဖြတ်သန်းနေသော ထင်းရှုးရနံ့တောအုပ်များ၊ကျောက်ဆောင်ကျောက်သားများ၊
နှင်းခဲပြင်ကျယ်များက ရင်ကိုထိရှစေသည်။ ကျွန်မခြေဖ၀ါးအောက်က
လမ်းသည်ဘာပါလိမ့်။ ကျွန်မ ဘယ်ကိုလျှောက်လှမ်းနေပါလိမ့်...။
“ဒီတိုက်ပွဲတွေ
တစ်ချိန်ချိန်တော့ ရပ်သင့်တယ်လို့ တစ်ဆက်တည်းတွေးမိတယ်။ ဘယ်အချိန်မှာ
ရပ်မလဲဆိုတဲ့ ပြဿနာက တစ်ဆက်တည်းတွဲ ပါလာခဲ့တယ်။တိုက်ပွဲပေါင်း များစွာကို
ဆင်နွှဲရင်း တိုက်ပွဲအတွေ့အကြုံတွေ ရင့်ကျက်ပြည့်ဝလာတဲ့ စစ်သူကြီးတစ်ယောက်ပဲ
ဖြစ်ချင်တယ်။ တစ်ချိ်န်တည်း မှာပဲ တစ်စုံတစ်ရာကို တွေးမိရင်း
ကြောင့်ကြပူပင် လာမိခဲ့တယ်။”
“ ငါ အမှန်တကယ်ပဲ ရပ်တန့်နိုင်ပါ့မလား...”
တိုက်ပွဲတွေကို
ညည်းညူရင်း၊ငြူစူရင်း ကျွန်မတို့တွေ တိုက်ပွဲပျော်တွေများဖြစ်နေကြသလား။
ဘယ်သောအခါ ရပ်တန့်နိုင်မှာလဲ။ တစ်ခါတရံအောင်မြင်မှုများ၊ ချိုမြိန်မှုများက
တိုက်ပွဲထံမှ သွေးစက်များ၊ နာကျင်မှုများကို မေ့လျော့စေသည် ထင်ပါသည်။
လိုအင်ဆန္ဒကြောင့်လား၊ ရည်မှန်းချက် အမည်ခံ တက်မက်မှုတွေ ကြောင့်လား၊ ငါ
ဘာဆိုတာ သိစေ လိုစိတ် မခံချင်စိတ်များကြောင့်လား။ သူကတော့
ဆွဲခေါ်ခံရခြင်းကို ဒီလိုရေးဖွဲ့ထား ပါသည်။
“ဘေးဘီဝန်းကျင်ကို
အကဲခတ်ကြည့်လိုက်တော့ ခပ်လှမ်းလှမ်းမှာ သူ့လိုမျိုး တရွတ်တိုက်ဆွဲပါနေသူ
တချို့ကို တွေ့ရတယ်။ တချို့က ပျော်ပျော်ပါးပါး၊ တချို့က မရေမရာ၊ တချို့က
အိပ်မှုံစုတ်ဖွား၊ တချို့က ပြူးပြူးပျာပျာ။”
မဖြစ်သင့်ဘူး။
မဖြစ်ရဘူး ငြင်းဆန်နေရင်းက သူ့ ခြေလှမ်းတွေ ရှေ့ဆက်နေပါရော့လား...။ ကျွန်မ
စိတ်တွေ မှိုင်းပြပြ၊ လွမ်းမောမော။ ဒက်ဖိုဒေးလ်ပန်းလေးများ၊ ထင်းရှုး
ပင်လေးများ၊ နှင်းခဲပြင်ကြီး၊ စမ်းချောင်းလေး အနား သူ့ကို
ပြန်ရောက်စေချင်သည်။
“ကမ်းဝေးမြစ်တစ်စင်းကတော့ ပင်လယ်ဆီကို ဦးတည်လို့ အရှိန်အဟုန်နဲ့ စီးလို့ မျောလို့ ကောင်းနေတုန်း.......”
သူကတော့ ၀တ္တုလေးကို
အဆုံးသတ်သွားပြီ။ ကျွန်မ အတွေးစထဲတွင်တော့ အဆုံးမသတ်ချင်သေး။မြစ်တို့
မည်သည် တစ်နေ့သောအခါ အေးမြတဲ့တောရိပ်အောက်ရှိ စမ်းချောင်းလေးဆီ
ပြန်လည်စီးမျောလာ ကောင်း ရဲ့လေ.....။
အိမ့်ချမ်းမြေ့၏
“အမွေအနှစ်” ကို ဖတ်ရပါသည်။ တန်ဖိုးရှိလှသော ဆောင်းပါးကောင်းတစ်ပုဒ်ပင်။
နိုင်ငံရပ်ခြား ရောက် မြန်မာစိတ်ပျောက်နေသူများသာမက ပြည်တွင်းနေ
မြန်မာများပါ ဖတ်ရှုသင့်လှသည့် ဆောင်းပါးကောင်း တစ်ပုဒ်ဖြစ်ပါသည်။
လူမျိုးတိုင်း မိမိနိုင်ငံ၊ မိမိယဉ်ကျေးမှုကို တန်ဖိုးထားကြပုံများ၊
မြန်မာလူမျိုးများ မြန်မာ့ ယဉ်ကျေးမှု၊ မြန်မာ့ရိုးရာ၊ မိခင်ဘာသာစကားကို
တန်ဖိုးထား သင့်ကြောင်း အထူးပြုဖော်ပြထားသည်။ ပညာနောက်၊ ငွေနောက်ကို
လိုက်ရင်း ကိုယ့်နိုင်ငံ၊ ကိုယ့်ယဉ်ကျေးမှု ကိုအထင်မကြီးတော့သော၊
လူမျိုးခြား များရှေ့တွင် နှိမ့်ချပြောရန် ၀န်မလေးသော
လူတန်းစားတချို့အကြောင်းရေးပြသွားသည်တွင် အိမ့်ချမ်းမြေ့သာမက ကျွန်မပါ
ခံစားနာကျင်လာသည်။ ဘာကြောင့်များပါလိမ့်..။
“မိမိအမျိုးနွယ်ကို
ရွံရှာမုန်းတီးတတ်သူများ (သို့) စိတ်ပညာဆိုင်ရာ ဝေါဟာရတစ်ခုကို
ယူသုံးရရင်တော့ Self-Haters တွေများဖြစ်သွားနိုင်မလား” ဟု
စာရေးဆရာမညည်းညူသလို ကျွန်မ လိုက်ညည်းညူချင်လာသည်။
“အိမ်မှာကလေ
အင်္ဂလိပ်လိုပဲ ပြောတော့ မြန်မာစကား သိပ်ပြီးတော့လေ မတတ်တော့တာလေ၊ I know
it's a shame ပါ။ ဒါပေမဲ့ သိတယ်မဟုတ်လား၊ မြန်မာတွေနဲ့ကလည်း
မပေါင်းဘူးဆိုတော့လေ You know?”
သြော် ....ဖြစ်မှဖြစ်ရလေ..။ ကျွန်မ ရယ်ချင်စိတ်တစ်ဝက်၊ စိတ်ပျက်ခြင်းတစ်ဝက်။
“နိုင်ငံခြားဆိုတာကို
လိုအပ်တာထက် ပိုအထင်ကြီးနေမိတဲ့ အခါ၊မြန်မာပြည်၊မြန်မာ့ ယဉ်ကျေးမှုနဲ့
မြန်မာ လူမျိုးတွေကို ရှိနေဖြစ်နေတာထက် ပိုမိုလျှော့ပေါ့ အထင်သေးနေမိ
တဲ့အခါမှာ၊ ကျွန်မတို့ရဲ့ လူမှုပတ်ဝန်း ကျင်မှာ မိမိကိုယ်ကို
ပြန်မုန်းတီးသူတွေ ပေါ်လာတတ်သလားဆိုတဲ့ မေးခွန်းကို မေးလာခဲ့မိပါတယ်”
ကျွန်မတို့
မြန်မာလူမျိုးများသည် နိမ့်ကျသိမ်ငယ်နေသူများ မဟုတ်ကြပါ။
အများအလယ်မဖွင့်ဟရဲ လောက် အောင် ယုတ်မာညစ်ညမ်းသောပြုမူကြသူများလည်း
မဟုတ်ကြပါ။ ရိုးရာယဉ်ကျေးမှု၊ ရိုးရာ အစဉ် အလာတွေ နှင့် လူမျိုးတစ်မျိုး၏
ရှိသင့်သောအဆင့်အတန်းတွေနှင့် ဖြစ်ပါသည်။ ရုပ်ဝတ္တုမြင့်မားမှု
နောက်လိုက်ရင်း မိမိ အမျိုး၊ မိမိစာပေ၊ မိမိ ယဉ်ကျေးမှုကို ရွံရှာမုန်းတီးကာ
မေ့လျော့ကြသူများ မဖြစ်ကြပါ စေနှင့်။ မေ့ပျောက်ရင်း မေ့ပျောက်ရင်း
မြန်မာဟူသောလူမျိုးစု တဖြေးဖြေးပျောက်ကွယ် လာပြီးမြန်မာ့မြေပေါ်တွင်
မြန်မာမဟုတ်သော တခြားအမျိုးအနွယ်များက မြန်မာစကားများကို ပြောရင်း၊
ရှေးရိုးစဉ်ဆက် မိဘဘိုးဘွားတွေရဲ့ အမွေ အနှစ် တွေနဲ့ ပျော်မွေ့ရင်း၊
ဧရာဝတီမြစ်ပြင်ကျယ် တွင် လင်းပိုင်များနှင့် မြူးတူးပျော်ပါးနေသော အခါမှ
ခုနှစ်သံချီ ငိုချင်းမချကြပါတော့နှင့်။ မှောက်သွားသော နွားနို့အိုးကို
ရွှေစည်းခုံကပ်လှူတယ်ဟူ၍လည်း ရသေ့ စိတ်ဖြေ ပြောချင်နေ၍ လည်း မရတော့ကြောင်း၊
ကိုယ်ရွေးတဲ့လမ်း ကိုယ် လျှောက်နေရတယ်ဆိုတာပဲ အမှတ်ရနေရ တော့မည်
ဖြစ်ကြောင်း စာရေးသူက စူးစူးရှရှ တင်ပြ သွားပါသည်။
နိဂုံးချုပ်“မြန်မာ” ဟူသည့် ကဗျာလေးနှင့် အဆုံးသတ်သွားသော “အမွေအနှစ်” သည် တန်ဖိုးထိုက်တန် လှသော ဆောင်းပါးကောင်းတစ်ပုဒ်ပင်။
မြစ်ကျိုးအင်း ၏
“နှလုံးသား ရှိတဲ့ အရပ်” ကို ဆက်လက်ဖတ်ဖြစ်ပါသည်။
မြို့ပြ၏တိုးတက်မှုများတွင် သာယာ နစ်မြောရင်း မိသားစုအပေါ်မေ့လျော့ထားမိသော၊
အေးစက်မိသော လူငယ်လေးတစ်ယောက်၏ စိတ်ခံစားမှု ကို ရေးဖွဲ့ထားသည်။
သာမာန်ကြည့်လျှင် အပြစ်တင်စရာပေမယ့် တကယ်တော့ ဒါဟာ ယုံကြည် စိတ်ချ ထားမှု
ကြောင့်လည်း ဖြစ်နိုင်သည်။ ဥပမာ-“ ငါ ဘယ် အချိန် ဆက်သွယ် ဆက်သွယ် ရတာပဲ”
ဆိုတာမျိုး၊ “ငါ အမှား လုပ်လည်း ခွင့်လွှတ်မှာပါ” ဆိုတာမျိုး။ ရုန်းကန်ရင်း၊
အသစ်အဆန်းတွေမှာ ပျော်မွေ့ရင်း သတိရ လွမ်းဆွတ် စိတ်ကို တစ်နေရာမှာ
ခေတ္တပုံထားမိတာလည်း ဖြစ်နိုင်သည်။ ၀တ္တုထဲမှ လူငယ်လေးသာမက ကျွန်မတို့
တွေလည်း ထိုအဖြစ်အပျက်မျိုးဆန်ဆန်မှ လွတ်ကင်းနိုင် လိမ့်မည် မထင်ပါ။
ဇာတ်ကောင်လူငယ်လေးသည်
သူ့အစ်ကိုနှင့် ဖုန်းပြောနေရာမှ ထပ်ကာထပ်ကာပြောနေသော သူ့အစ်ကို၏
စကားများကိုငြီးငွေ့လာသည်။ ဖုန်းကဒ် ကုန်တော့မှာပဲဟု ငြိုငြင်စ
ပြုလာသည်။ နောက်ဆုံး သည်းမခံနိုင် တော့သည့် အဆုံးတွင် ဖုန်းခွက်ကို
အသာချလိုက်သည်တဲ့..။ဖြစ်တတ်ပါသည်ဟုဖြည့်တွေးပေးနေသော ကျွန်မပင် ဟာကနဲ...။
မလုပ်ရဘူးလေ ကလေးရယ်..။ ဟိုခမျာ သတိရရှာလွန်းလို့လေ။ ခပ်ရိုးရိုးစကားလေး
တွေကိုပဲ သည်းခံပြီး နားထောင်ပေးလိုက်ပါ။
တကယ်တော့ ထိုလူငယ်လေး
မနေနိုင်ခဲ့ပါ။ လူငယ်စိတ်နှင့် တဒင်္ဂတုံ့ပြန်ခဲ့ပြီးမှ အတိတ်မှ အစ်ကိုနှင့်
ပတ်သတ်သော ပုံရိပ်များ၊ ချစ်ခြင်းမေတ္တာများကို တရိပ်ရိပ်မြင်ယောင်
လာသောအခါ သူ နောင်တတရားတို့နှင့် ပူလောင်လာသည်။ သူ ၀မ်းနည်းလာသည်။
ဖုန်းပြန်ခေါ်သောအခါ သူ့အစ်ကိုက အပြင်ထွက်သွားခဲ့ပြီ။ သူ့ မိသားစုလေးကတော့
ဖုန်းလိုင်း ကျသွားသည်ဟု သူ့အပေါ် ရိုးသားချစ်ခင်စွာတွေးပေးနေမြဲပင်။
လူငယ်လေး၏ မျက်ဝန်းမှ မျက်ရည်များ တလိမ့်လိမ့်ကျလာသလို ကျွန်မ ရင်ထဲ၍လည်း
နင့်ကနဲ။ သူ့အစ်ကို အတွက်လား..၊ သူ့အတွက်လားတော့ သေချာရေရာ မသိလှချေ။
သူရေရွတ်သော စကားလေးများကိုတော့ ကျွန်မပြုံးလျက် ဖတ်ဖြစ်ခဲ့ပါသည်။
“
ဖြူစင်သောချစ်ခြင်း၊ အနစ်နာခံခြင်း၊ စနာဖေးမခြင်းတွေသည် မိစားစုထံမှသာ
ရနိုင်ကြောင်း၊ ကျွန်တော်၏နောင်တတရားက သင်ပေးခဲ့ပြီ။ပြီးပြည့်စုံသော
ခေတ်မီ အသုံး အဆောင်ပစ္စည်းများသည် မေမေညတိုင်း ဖက်အိပ်သော ကျွန်တော်၏
ခေါင်းအုံးလေးလောက်ပင် တန်ဖိုးမရှိတော့ပါ။”
“သည် အရပ်မှ
အနေကြာလာလျှင် ချစ်ခြင်းမေတ္တာကို မခံစားတတ်လောက်အောင် ကျွန်တော့နှလုံးသား
လွင်တီးခေါင်ဖြစ်သွားမှာ စိုးရိမ်မိသည်။ .........ထိုအရပ်တွင် ကျွန်တော်မှ
ချစ်သော၊ ကျွန်တော့်ကို ချစ်သော နှလုံးသားများ တည်ရှိနေကြောင်း မမေ့မလျော့
အထပ်ထပ် သတိပေးနေမိတော့သည်”
ခင်လေးငယ်၏
“နေ၀င်ပုံပြင်” မှာ နေ၀င်ချိန်ကို ချစ်မြတ်နိုးသော ကောင်မလေးနှင့်
နေ၀င်ချိန်ကို မုန်းတီးသော ကောင်ကလေးတို့ ချစ်သူနှစ်ဦး နေ၀င်ချိန်မှာပင်
ကွဲကွာသွားခဲ့ရသည့်အကြောင်း ဖော်ပြ ထားသည့်အချစ်ဝတ္တုတိုလေး ဖြစ်သည်။
နေ၀င်ချိန်ကို လွန်လွန်ကဲကဲမုန်းတီးသော မောင်၏ အသွင် စရိုက်က
လျှို့ဝှက်နက်နဲလှသည်။ နေ၀င်ချိန်ဟူသော အသံကြားရုံနှင့် ဖျော့တော့
ပျက်ယွင်း သွားလေ့ရှိသော သူ့မျက်နှာ၊နေ၀င်ချိန်သည် လူတစ်ယောက်၏ စိတ်ကို
လေးပင်ထိုင်းမှိုင်းစေတတ်ကြောင်းပောလေ့ရှိသော သူ့စကားများ…..။
နေ၀င်ချိန်ကို နှစ်သက်လှပါသော မေ သည် သူ့မောင် ကို
နေ၀င်ချိန်နှစ်သက်လာအောင် မစွမ်းဆောင်နိုင်ခဲ့ရှာပေ။ မေ ချစ်သော မောင် သည်
နေ၀င်ချိန် တစ်ခုဆီကို သွားသည့်တစ်ညနေခင်းမှာပင် ဘ၀နေ၀င်ချိန်ရောက်ခဲ့ရပြီ
ဖြစ်သည်။ ချစ်သူအား တစ်ဘ၀စာ ဆုံးရှုံးမှုတွက် ကြေကွဲဝမ်းနည်းမှုတွေနှင့်
နေ၀င်ချိန်ကို မုန်းတီးသွားရသည်ကတော့ မေ ပင်။
နေ၀င်ခြင်းအကြောင်းကို
ပဟေဠိတစ်ပုဒ်နှယ် ဖွဲ့ဆိုရင်း ချစ်ခြင်းမေတ္တာ၏ သိမ်မွေ့နက်နဲမှုတို့ကိုပါ
လှလှပပ ရေးဖွဲ့သွားသည်။ ချောမွေ့ပြေပြစ်သော အရေးအသားများကို သတိပြုမိရင်း
ဆရာမ “ဂျူး” ၏ ၀တ္တုတိုများကိုပါ အမှတ်ရမိသေးသည်။
ဏီလင်းညို၏
“အသံများနှင့်…” က စာရေးသူနှင့် အဇ္ဈတ္တတို့ မေးခွန်းထုတ်အဖြေရှာမှုကို
ဇာတ်ကောင် လူငယ် ကလေးနှင့် ဘူတာရုံလေးတို့ အပြန်အလှန် စကားဆိုကြပုံဖြင့်
ရေးသားထားပါသည်။ ကျွန်မတို့ ငယ်စဉ်က သာယာသံ၊ ဆူညံသံ ဟူ၍အသံတွေအကြောင်း
သင်ကြားခဲ့ရဖူးသည်။ ဏီလင်းညိုပြောပြချင်သော အသံတွေ မှာတော့ သာယာသံ၊
ဆူညံသံထက်မကတော့ပါ။ဖြစ်ရပ်တိုင်းရှိသော၊ ကျိုးကြောင်း ညီညွတ်နေကြ သော၊
မညီညွတ်နေကြသော အသံများ..။ ကျွန်မ တို့ ဘ၀သို့ ရိုက်ခတ်နေသမျှ အသံများကို
တုံ့ပြန်ဖို့ လိုအပ်သည် လား၊ ခံစားဖို့ လိုအပ်သည်လား။ ကျွန်မတို့
ဘ၀တွေသည်လည်း တိတ်ဆိတ်ငြိမ်သက် နေသည် မဟုတ်ပါ။ ကိုယ်တိုင် သတိမပြုမိ (သို့)
မသိနိုင်သည်သာ ရှိသည်။ အသံကတော့ ရှိနေနိုင်မှာပင်။ သို့တည်းမဟုတ်
ဆိတ်ငြိမ်ခြင်းကပင် ဆိတ်ငြိမ်ခြင်းအသံတစ်ခုအဖြစ်ဖြစ်နေနိုင်သည်ပဲ။
ဘူတာရုံလေး၏ စကားတစ်ခွန်းကတော့ လေးနက်ဆင်ခြင်စရာကောင်းလှသည်။
“အသံတွေရဲ့အလယ်မှာ
နေတတ်ထိုင်တတ်ဖို့ ဆိုတာ အပြောမှာ လွယ်ပေမယ့် လက်တွေ့မှာ ခက်ခဲရင်
ခက်ခဲနေလိမ့်မယ်။ ဒါပေမယ့် ကြိုးစားရင် ဖြစ်နိုင်တဲ့ သူလိုငါလို လူတွေထဲမှာ
တကယ်လုပ်ရင် အဟုတ်ဖြစ်လာ နိုင်တယ်ဆိုတာ ရင့်ကျက်လာတဲ့တစ်နေ့
မင်းသိလာပါလိမ့်မယ် ကောင်လေးရာ”
တကယ်တော့ အသံများကို
အသံများဟု အသိအမှတ်ပြုလိုက်သည်နှင့် တပြိုင်နက် ကောင်းခြင်း၊ ဆိုးခြင်း
ခံစားချက်များ ပေါ်ထွက်လာနိုင်ခြင်းရှိမှာ မဟုတ်ပေ၊ ထိုကဲ့သို့သာမာန်
အသိအမှတ်ပြုလေးတစ်ခုအတွက်ပင် ကျွန်မတို့တတွေ မနည်းကြိုးစားနေကြရသည်။
ခံစားမှုများကြောင့်လား၊ ကောင်းတာကိုမှ လက်ခံလိုသည့် စိတ်ကြောင့်လား။
ဘူတာရုံလေးဆိုခဲ့သလို “လူပီသဖို့ အတွက်ဆိုရင်တော့ ကောင်းတာရော၊ ဆိုးတာကိုပါ
ဝေမျှခံစားတတ်ဖို့လိုမယ်” ထင်ပါသည်။ လူဟူ၍ ဖြစ်တည်လာသည့် ဘ၀တွင်တော့
ကျွန်မ တို့ လူပီသသင့် ပါသည်။
မြသွေးနီ ၏
“နိုင်တဲ့အရှုံး” မှာ ဖခင်တစ်ယောက်၏ သားအပေါ်ထားသော ချစ်ခြင်းမေတ္တာဖြင့်
လမ်းညွှန် တည့်မတ်ပြသမှုကို အခြေတည်ကာ ရေးသားထားခြင်းဖြစ်သည်။ ဇာတ်လမ်းနှင့်
ဇာတ်ကောင် အသားပေး မဟုတ်ဘဲ စာရေးသူတင်ပြလိုသော ဒဿနကို ဇာတ်ကောင်၏
စကားတွေနှင့် ဖော်ကြူးသွားသည်။ “အရှုံးကို ကျော်ဖြတ်နိုင်မှ အနိုင်ဆိုတဲ့
အရာကို တွေ့နိုင်မယ်” ဆိုသည့်အကြောင်း မူလတန်းကလေးငယ်များ၏
ဘောလုံးယှဉ်ပြိုင်ပွဲတစ်ခုနှင့် သရုပ်ဖော်ကာ တင်ပြသွားသည်။
ရှုံးသည့်ကလေးမှာတော့ ငိုချင်မိမှာပဲ၊ ငိုမိမှာပင်။ ဒါပေမယ့် သူ့အတွက်
ချစ်မြတ်နိုးစွာ ရပ်တည်ပေးနေသော ဖခင်၏ မေတ္တာက အနိုင်ကို တွေ့မည့်လမ်းကို
ပြသခဲ့တာပင် ဖြစ်သည်။
ဖခင်ဇာတ်ကောင်ဖြစ်သူ ဦးဘုန်းကျော်၏ စကားက ၀တ္တုတစ်ပုဒ်လုံးအတွက် အထိရောက်ဆုံး Target ပင်။
“ သား…တစ်ခါတရံ ဘ၀မှာ
ကိုယ် မျှော်လင့်ထားသလိုဖြစ်မလာတာတွေကို တွေ့ကြုံရမှာပဲ၊ ကိုယ် က
ကြိုးစားပေမယ့်လည်း ဘယ်လိုမှ တားဆီးလို့မရဘဲ ခံလိုက်ရတာမျိုး၊ နေရာတစ်ခုမှာ
နှစ်သိမ့်ကျေနပ်လိုက်ရ တာမျိုးလည်း ရှိမှာပဲ၊ ဒါပေမယ့် အဲဒါက
အရေးမကြီးဘူး၊ ကိုယ့်ကို ချစ်ခင်သံယောဇဉ်ရှိသူတွေ ကိုယ့်ဘက်မှာ
ရပ်တည်အားပေးမယ့်သူတွေ ကိုယ့်ဘေးနားမှာ ရှိနေဖို့က ပိုအရေးကြီးတယ်၊
အောင်မြင်တဲ့အခါ ၀မ်းသာ စိတ်ဖြစ်ရတာထက် အရှုံးကို ရင်ဆိုင်ရချိန်မှာလည်း
ကျေကျေနပ်နပ်လက်ခံတတ်ဖို့က ပိုအရေးကြီးတယ်”
ဦးဘုန်းကျော်၏
ပြောစကားကြောင့် ကြွတက် အရှိန်မြင့်လာသော ၀တ္တုသည် ကျော်စွာ၏
“သား…ကြိုးစားပါ့မယ်” ဟူသော စကားနှင့် အဆုံးသတ်သောအခါ အနည်းငယ်အားပျော့သလို
ဖြစ်သွားသည်။ အကယ်၍သာ ကျော်စွာ နှင့် ဦးဘုန်းကျော်ကြားဘာသာဗေဒမဲ့
အမူအရာနှင့် (သို့) စိတ်တွင်း အတက်အကြွ ခံစားမှု နှင့် အဆုံးသတ်
လျှင်ပိုကောင်းမည်ဟု ထ်သည်။ ဒါကတော့ ဖတ်ရှုသူ၏ ရှုထောင့်အမျိုးမျိုး နှင့်
သက်ဆိုင် လိမ့်မည် ထင်ပါသည်။
သတိုး၏
“ရိပ်ကြီးခိုလျှင်” သည် သဘာဝပတ်ဝန်းကျင်ကို လူတို့တစစဖျက်စီးပြုန်းတီးလာကြ၍
ပျက်စီးယိုယွင်း လာကြသည့် အကြောင်းတင်ပြထားခြင်းဖြစ်သည်။ အကြောင်းအရာမှန်
ဆောင်းပါးကိုပင် ၀တ္တုသဏ္ဍန် ဖွဲ့တည်ထားသည့် အနုပညာမှာ လှပလှသည်။ သူတို့
ရပ်ရွာကလေး၏ ရေမြေဒေသအကြောင်း ရေးသွား သည်မှာ စိတ်ဝင်စားဖွယ်။
ပျင်းရိငြီးငွေ့စရာ မဖြစ်ဘဲ ရွာကလေးကို အလည်ရောက်နေသလိုပင် ခံစားရသည်။
ကျွန်မ နာမည်မကြားဖူးသော အသီးအရွက်တွေကိုလည်း သိရသည်။ ဗိုင်းတောင့်သီး၊
သမှည့်သီး၊ ကျီးသေရွက်၊ တောင်သလဲရွက်၊ ကြက်ဖသီး ခေါ် ခင်မွန်သီး တဲ့။
လမုဆိုတာ ကြားဖူးသော်လည်း ဘလဆိုတာပါ ရှိနေသေး ကြောင်း ဒီတော့မှ သိရသည်။
သင်ပေါင်းဖူးကတော့ ကြားဖူးသည်ထင်သည်။ သင်ပေါင်းပိုးကို ထမင်းအိုးထဲ
ထည့်ပေါင်းကာ စားသည်တဲ့။ ဒီနေရာမှာတော့ မမြင်ဖူးသည့်
သင်ပေါင်းပိုးကောင်လေးကို လှုပ်ရွရွမြင် ယောင်ကာ ကျွန်မ အူယားလှသည်။
သာယာလှပမှုများ၊
ပေါကြွယ်ဝမှုများကို ငယ်ငယ်တုန်းက ဟူ၍သာ အစချီနိုင်တော့သော ရွာကလေးသည်
ယခုအခါမှာတော့ ပူပြင်းခြောက်သွေ့ကာ ချောင်းရေညိုညစ်ညစ်နှင့်
မစိမ်းလန်းနိုင်တော့ပေ။ မီးသွေးဖိုတွေကို ရွာ၏
အဓိကလုပ်ငန်းအဖြစ်ရပ်တည်လုပ်ကိုင်ခဲ့သော ရွာကလေး၏ ၀န်းကျင်သည်
နှစ်ကာတိုက်စား လာ သည့်အခါ သစ်တောကျိုးကျဲနှင့်ခြောက်ခြောက်သွေ့သွေ့သာ
ကျန်တော့သည်။ ဒါကို သူရေးသွားသည်မှာ ထိမိလှသည်။
“ဘ၀စဉ်ဆက်မှီခိုနေသော
သဘာဝတရားကြီးကို ကိုယ်တို့တွေ တစ်ကိုယ်စာသက်ရှင် ရပ်တည်နိုင်ရုံ
မျက်တောင်တဆုံး အတွေးတိမ်တိမ်နှင့်
တစ်ယောက်တစ်လက်ဝိုင်းဝန်းဖျက်ဆီးခဲ့လိုက်ကြတာ။ ကမ္ဘာကျော် ပင်လယ်လှိုင်းကြီးက
အဆီးအတားမဲ့ ခဏအတွင်း ကျော်လွှားခုန်ပျံကာ ကုန်းမြေပေါ် အလွယ်တကူ
လွှမ်းဖုံးလာလေမှ နောင်တရချင်မိတော့ နောက်ကျလွန်းခဲ့ပြီ”
ရှေးရိုးအစဉ်အလာတွေနှင့်
ရွာကလေးကို သဘာဝတရားပျက်စီးမှု၊ ပိုမိုမပျက်စီးစေရန်
ပြုပြင်ထိန်းသိမ်းရေးကို စာရေးသူလည်းပြောပြခြင်းငှာ မစွမ်းသာခဲ့ပါ။ သာမာန်
မြင်လေ့ရှိကြသည့်အတိုင်း ရေတစ်ပေါက်နှင့်တော့ မိုးမဖြစ်နိုင် ဟူ၍ပင်။
ရေစက်ပေါင်းများလာလျှင် အေးမြလှသည့် မိုးဖြစ်နိုင်တာ ဘာကြောင့် မတွေးတော
နိုင်ကြပါလိမ့်။ သဘာဝတရားကို ကယ်ဆယ်ထောက်မရေး စီမံကိန်းများ ပါဝင်သည့်
အဖွဲ့အစည်းတစ်ခုမှ အလုပ်လုပ်နေသည့် ကျွန်မ.. သပ်မမောတို့ တနင့်တမောပင်။
စည်းရုံးနိုင်ဖို့၊ ပေါင်းစည်းနိုင်ဖို့ ကျွန်မ တို့ လက်တွေ
အားအင်ပြည့်နေဖို့တော့ လိုပါသည်။
သည် အမောတွေကိုပင်
သတိုးက သူ့စကားအရာမလုပ်ကြသော ဆွေမျိုးစုအလယ်မှ အဖြစ်သနစ်တို့ဖြင့်
ဟာသဆန်ဆန် နိဂုံးချုပ်သွားသည်။ပြုံးချင်စရာပေမယ့် တကယ့်လက်တွေ့တော့
ပြုံးစရာမဟုတ်ခဲ့ပါ။ ပတ်ဝန်းကျင်ကို တစေ့တစောင်းပြန်လှည့်ကြည့်ဖို့ သတိုးက
သူ့ဝတ္တုတိုအတတ်နှင့် ညွှန်ပြခဲ့လေသည်။
မယ်ကိုး၏
“လူယောင်ဆောင်သူများ” သည် သစ္စာမတည်တတ်သော ခင်ပွန်းဖြစ်သူနှင့်
အကြောင်းစုံကို သိလျှက် သည်းခံမြိုသိပ်နေရသော၊ မျှော်လင့်ချက်
တစစကင်းမဲံလာသည့် မိန်းမသားတို့ အိမ်ထောင်ရေးကို ခပ်ပါးပါးရေးဖွဲ့ထားခြင်း
ဖြစ်သည်။
“ချွဲနွဲ့ပြောတတ်တဲ့ ကြောင်တွေလို နေစရာ၊ စားစရာနဲ့ သွေးသားလိုအင်တွေ အတွက်သာ ကျွန်မ ကို ခဏတာချစ်ယောင်ပြခဲ့တာ”
သည်လို
စာသားလေးများကတော့ အနည်းငယ်ရင့်ရော်လှပါသည်။ သို့ပေမယ့် ထို ဇာတ်လမ်းမှ ထို
ဇာတ်ကောင် အမြင်မို့ သိပ်စောဒကတက်စရာတော့ မရှိလှပါ။ ရေးသားဟန် ဆန်းသစ်
ဖတ်ပျော်သော ၀တ္တုတစ်ပုဒ်တော့ ဖြစ်ပါသည်။
ညီလင်းသစ်၏
“အသိအမှတ်ပြုမှု” သည် ဆောင်းပါးတိုလေး တစ်ပုဒ်ဖြစ်ပါသည်။ လူသားဟူသမျှ အသိ
အမှတ်ပြုမှု ခံချင်သူတိုင်း ဖြစ်ကြောင်း သတင်းတိုလေးတစ်ခုနှင့် အစပြုကာ
ရေးသားထားသည်။ ဆွစ်ဇာလန်နိုင်ငံ ဇူးရစ်ခ်မြို့ရှိ လူတစ်ယောက်သည်
သူ့မွေးနေ့ကို အများသတိပြုစေချင်လိုသော စိတ်နှင့် ကုန်တိုက်ကြီးတစ်ခုအတွင်း
ဗုံး ရှိသည်ဟု သတင်းအမှားပေးခြင်း ဖြစ်သည်။ အများသူငှာငှာ ရုတ်ရုတ်သဲသဲ
ဖြစ်ကာ သူလည်း အများပြည်သူထိတ်လန့်စေမှုနှင့် အရေးအယူခံရသည်။ ထိုသတင်းမှ
အစပြုကာ “အသိအမှတ်ပြုမှု” ဟုသော ဆောင်းပါးလေးတစ်ပုဒ်ကို စာရေးသူက
ကျယ်ကျယ်ပြန့်ပြန့် ရေးသား ထား လေသည်။
အသိအမှတ်ပြုမှု
ဟူသောစကားလုံးလေးသည် တိုတောင်းကျစ်လျစ်နေသော်လည်း ကျယ်ပြန့်လှကြောင်း သူက
တင်ပြသွားသည်။ အသိအမှတ်ပြုရုံလး ဆိုပေမယ့် သူ့အဓိပ္ပာယ်ကတော့ တာသွားလှသည်။
ထိုအရာက လူမှု ဆက်ဆံရေးနယ်ပယ်၊ နိုင်ငံရေးနယ်ပယ်၊ စီးပွားရေးနယ်ပယ်တွေမှာ
အောင်မြင်ရေးလမ်းစ၏ ပထမဆုံး တံခါးပေါက်ဟု စာရေးသူက တင်ပြသွားပါသည်။
ခင်မင်ခြင်း၊ ချစ်ခြင်းဟာ နွေးထွေးသည့် ချစ်စဖွယ် အိမ်ကလေးဆိုရင်
ထိုအိမ်ကလေးထဲ ၀င်ရောက်ဖို့ အသိအမှတ်ပြုမှု ဟူသော တံခါးပေါက်ကို အရင်ဆုံး
ခေါက်ရမည် ဖြစ်ကြောင်း ထိမိစွာတင်ပြသွားသည်။
“အသိအမှတ်ပြုမှု ရဲ့
ဆန့်ကျင်ဘက်က ဥပေက္ခာပါ” တဲ့။ ထိုစကားလေးကို ကျွန်မ လက်ခံပါသည်။ ဥပေက္ခာ
ပြုခြင်း၊ လျစ်လျူရှုခြင်းကို ကျွန်မ ခံစားခဲ့ရဖူးသည်။ အသိအမှတ်ပြုမှု အပေါ်
မျှော်လင့်နာကျင် ခဲ့ဖူး သည်။ တကယ်တော့ လူသားသည် လူသားဆန်သည်သာ ဖြစ်သည်။
“တစ်ယောက်နဲ့တစ်ယောက်
အပြန်အလှန်အသိအမှတ်ပြုမှုတွေများလာတာနဲ့အမျှ ကျွန်တော်တို့နေထိုင်ရာ
လူမှုအဆောက်အအုံဟာ ပိုမိုခိုင်ခန့်ပြီး၊ ဟန်ချက်ညီတဲ့ နေချင့်စဖွယ်
အသိုင်းအ၀ိုင်းတစ်ခု ဖြစ်လာပါမယ်” ဟု ဆောင်းပါးကို နိဂုံးချုပ်ထားသည်။
ဆောင်းပါးလေးက ရိုးရှင်းပေမယ့် အကြောင်းအရာကတော့ ကျွန်မတို့ အားလုံးနှင့်
တိုက်ရိုက်ပတ်သတ်ဆက်နွယ်နေပါသည်။ အတွေးစ၊ အသိမြင်တို့ လွန့်လူးစေသော
ဆောင်းပါးတစ်ပုဒ်ပင်ဖြစ်သည်။
သက်တံဆယ်စင်း
စာအုပ်ကလေး၏ ရသမျှဝေခံစားမှုကတော့ ပြီးဆုံးသွားလေပြီ။ ရသစာပေကိုမြတ်နိုး
လှသော ကျွန်မ စာအုပ်စင်ကလေးတွင် ထိုစာအုပ်ကလေးက နေရာတစ်နေရာယူခဲ့ပြီ။
နောက်ကျောတွင် နောက်ထွက်ရှိမည့် စာအုပ်ကြေငြာများကိုလည်း တွေ့ရရာ
မုဒိတာစိတ်နှင့် ၀မ်းသာကြည်နူးရပါသည်။ လူနည်းစုတင်မက သက်တံဆယ်စင်းပါ ဆရာ၊
ဆရာမများ အားလုံးရောက်ရှိသည့်နေရာတွင် ရပ်တန့်မနေဘဲ အသစ်အသစ်သော
အနုပညာဖန်တီးမှုတို့ဖြင့် ထွန်းလင်းကြပါစေသည်း။ စာပေကောင်းကင်တွင်
လင်းလက်တောက်ပသော ကြယ်ပွင့်များ ဖြစ်ကြပါစေသတည်း။ ။
ချစ်ခြင်းမေတ္တာဖြင့်
ရွှေအိမ်စည်
မှတ်ချက်
စာရေးသူ ရွှေအိမ်စည်က
ယခု သက်တံ့များ၌ ပျော်ဝင်ခြင်း စာအုပ်အညွှန်းကို အပိုင်း ၃
ပိုင်းခွဲရေးထားတာဖြစ်ပြီး စာဖတ်သူများ အဆင်ပြေစွာ ဖတ်ရှူနိုင်အောင်
တစ်ပေါင်းစည်းတည်း တင်ပေးခြင်းဖြစ်ပါတယ်။
အယ်ဒီတာ
