စင်တင်ကဏ္ဍဟူ၍ဖွင့်လှစ်ခဲ့သည့် နှစ်လတာကာလအတွင်းမှာပင် စိတ်ဝင်တစား စာမူများစွာပေးပို့ကြသည့်အတွက် စာမူရှင်များအား ဦးစွာကျေးဇူးတင်စကားဆိုချင်ပါသည်။ အချို့က ဒိုင်ယာရီသဖွယ်ရေးသား၍ ပေးပို့ကြသည်။ အချို့က အက်ဆေး၊ ၀တ္တုမခွဲခြားတတ်ပါဟု အောက်ခြေမှတ်စုရေးကာ ပေးပို့ကြသည်။
စာစီသပ်ရပ်မှုရှိသည့်စာမူတွေလည်းပါသည်။ စာစီမှုကစဥ့်ကလျား ဖြစ်နေသည့်စာမူတွေလည်းပါသည်။ အွန်လိုင်းသုံးစွဲနေသူများ ဟုတ်မှဟုတ်ပါလေစဟု အတွေးပေါ်မိသည်အထိ ဇော်ဂျီဖောင့်ကို ဆန်းကြယ်စွာရိုက်ထားသော စာလုံးများကိုလည်း မြင်တွေ့ရပါသည်။ မည်သို့ဖြစ်စေ ရိုးသားဖြူစင်မှုအပြည့်ရှိသော စာမူများအားလုံး ကို ကျွန်မ ချစ်ခင်ပါသည်။ အစ သည် ဤသို့ပင်..။ ထို အ စ ကလေးများအတွက် သွားလမ်း၊ လာလမ်း ဖြောင့်ဖြူးစေရန် တံတား တစ်စင်းအသွင်ဖြင့် လက်တွဲခေါ်ယူလိုပါသည်။ တစ်နေ့သောအခါ စာပေကောင်းကင်ယံထက် လင်းလက်သော ကြယ်ပွင့်ကလေး များအဖြစ် မြင်တွေ့လိုပါသည် ဟု ဆုမွန်ပြုရင်း ဇူလိုင်လ စင်တင်ကဏ္ဍကို ရေးသားအပ်ပါသည်။
ဇူလိုင်လအတွက် အက်ဆေးနှစ်ပုဒ် နှင့် ၀တ္တုတိုတစ်ပုဒ်ရွေးချယ်ထားခဲ့ပါသည်။ ခင်သက်နွယ်ဆွေ၏ “တိမ်ကြည့်သူ” ၊ ဂျွန်မိုး၏ “ကြိုး”၊ဆုဂျေ၏ “မျက်ရည်ခြယ်သော စာပန်းချီ” တို့ဖြစ်သည်။
အမှန်စင်စစ် ရသစာတမ်းနှင့်အက်ဆေး ဟူသည် တူသယောင်နှင့် မတူသယောင်ရှိရာ ခင်သက်နွယ်ဆွေ၏ “တိမ်ကြည့်သူ” မှာ ရသစာတမ်းတစ်စောင်ဖြစ်ပြီး၊ ဆုဂျေ၏ “မျက်ရည်ခြယ်သော စာပန်းချီ” မှာ အက်ဆေးတစ်ပုဒ်ဖြစ်ပါသည်။
တိမ်ကြည့်သူ
(ရသစာတမ်း)
ရေးသားသူ = ခင်သက်နွယ်ဆွေ
တိမ်စိုင်လိမ်လိပ်တွေကိုကြည့်ရင်း ဘ၀အဓိပ္ပာယ်၊ အမြင်၊ ခံစားမှုတို့ကို ပုံဖော်ကာ သဘာဝ၏ အရှိအတိုင်း လှပမှု အောက်တွင် ငြိမ့်ညောင်းစွာစီးဆင်းသွားသော အတွေးပုံရိပ်တို့ကို အေးဆေးညင်သာစွာ ရေးဖွဲ့ထားသည့် ရသစာတမ်း တစ်ပုဒ် ဖြစ်သည်။
မိန်းကလေးတစ်ယောက်၏အဇ္ဈတ္ထသွင်ပြင်ကို ပုံဇော်ထားခြင်းဖြင့် အစပြုပါသည်။ စာသားအနည်းငယ်ထောက်သော်လည်း ပုံရိပ်တော့ပေါ်လွင်ပါသည်။ သို့သော် ရသစာတမ်းတစ်စောင်သည် အဖွင့်မှ စ စိတ်ဝင်တစားစီးမျောခံစားသွားရန်မှာ အရေးကြီးလှ သည် ဖြစ်ရာ စာကြောင်းတိုင်းသည် အားမာန်ပြည့်ဝစွာ ချောမွေ့နေရန်လိုပါမည်။
ဥပမာ-“သူမသည်” ဟူသော စကားလုံးကို ၀ါကျတိုင်း၏ အစ တွင် အသုံးပြုရန် မလိုအပ်လှဘဲ အကြိမ်ထပ်နာမ်စားများကို ကျစ်လျစ်စေကာ ပုဒ်ဆက်သမ္ဗန္ဓများနှင့် နာမ၀ိသေသနများကို ဆီလျော်အောင် ထည့်သွင်းအသုံးပြုလျှင် ချောမွေ့ပါလိမ့်မည်။ တစ် ပိုဒ်လုံးဖြစ်သည့်အတွက် နမူနာပြင်ဆင်ချက်မထည့်တော့ပါ။
ညနေခင်းတစ်ခုတွင် လမ်းလျှောက်ထွက်ရာမှ တောင်ထိပ်မြင်ကွင်းတစ်ခုမှနေ၍ လှပသောတိမ်လွှာတို့ကို မြင်ရသည့်မြင် ကွင်း ကို ခံစားမှုရှုထောင့်မှနေ၍ ရေးသားသွားသည်။ စကားပြေ ပြေပြစ်သေသပ်ပါသည်။ သို့သော် စကားလုံးအင်အားကောင်းမှု အနည်းငယ်လျော့ရဲပါသည်။ ယင်းမြင်ကွင်းကို မြင်လိုက်ရသည့် အချိန်ခံစားချက်ကို ပိုမိုပီပြင်အောင် ရေးဖွဲ့လျှင် လှပအသက်ဝင် လာပါလိမ့်မည်။
ရသစာတမ်းဟူသည် ဇာတ်လမ်း၊ ဇာတ်ကွက်ရှိစရာမလို၊ အကြောင်းအရာ၊ သတင်းပေးမှုခိုင်မာချင်မှလည်း ခိုင်မာမည်။ ပညာရှင်ကြီး ဟပ်စလေ ခွဲခဲ့သည့်မူအရ
(၁) စာရေးသူ၏ ကိုယ်ရည်ကိုယ်သွေးကို အကြောင်းပြု ရေးဖွဲ့သည့်အက်ဆေး၏နယ်
(၂) ကြုံတွေ့ရသည့် အတွေ့အကြုံကို အရှိအတိုင်း ဖော်ပြသည့်အက်ဆေး၏နယ်
(၃) လောကသဘာဝနှင့် သဘောတရားများကို ဖော်ပြသည့်အက်ဆေး၏နယ် ဟူ၍ရှိမည်ဆိုလျှင် “တိမ်ကြည့်သူ” သည် လောကသဘာဝနှင့် သဘောတရားကို ဖော်ပြသည့်နယ်ထဲ အကြုံးဝင်သည်ဟု ဆိုလိုက ဆိုနိုင်သည်။
ဆရာဇော်ဂျီက ကျေနပ်နှစ်သိမ့်မှုကိုပေးသည့်စာ၊ ဆရာမြသန်းတင့်က ပီတိဖြစ်စေသည့် စာ၊ ဆရာဇော်ဇော်အောင်က အက်ဆေးဆိုတာ အပွင့်ဆုံး Open၊ အလွတ်လပ်ဆုံး Free ရေးဖွဲ့ထားသည့် စာပါပဲ စ သဖြင့် အက်ဆေး ခေါ် ရသစာတမ်းကို ဖွင့် ဆိုမှုပေးခဲ့ကြသည်။ မည်သို့ဆိုစေ ၀ါကျတိုင်း၏ လှပမှု၊ ရသပေးစွမ်းနိုင်မှုတို့ကြောင့် ရသစာတမ်းသည် တိုတိုလေးနှင့် အများကြီး တာ သွားနိုင်ပါသည်။ ရသစာတမ်းတစ်စောင်မှနေ၍ အတွေးပုံရိပ်၊ ဘ၀ပုံရိပ်ခပ်ပါးပါး၊ ခံစားမှု အနိမ့်အမြင့်တို့ကို သိရှိခံစားနိုင်လျှင်၊ ကြည်နူးနှစ်သက်မှု ရသ ကို ရရှိစေလျှင် လှပသောအက်ဆေးတစ်ပုဒ် ဖြစ်လာနိုင်ပါသည်။
မည်သို့ဖြစ်စေ အားနည်းချက် အနည်းငယ်ရှိသော်လည်း လူသစ်တန်းကလောင်ရှင်အနေဖြင့် လှပသော အရေးအသားငြိမ် သည့် အက်ဆေးတစ်ပုဒ်ဖြစ်ပါသည်။ ဆက်လက်၍ အတွေးသစ်၊ အမြင်သစ်၊ အကြောင်းအရာပုံပေါ်လွင်အောင် ဖော်ညွှန်းရေးသား နိုင်သော ရသစာတမ်းများစဉ်ဆက်မပြတ်ရေးဖွဲ့သွားရန် အကြံပြုလိုက်ရပါသည်။
(စာရိုက်ခြင်းနှင့်ပတ်သတ်၍ မေတ္တာရပ်ခံလိုသည်မှာ ဇော်ဂျီဖောင့်ရိုက်ရာတွင် အောက်ကမြစ်အတွက် Y, U and h တို့ကိုသာအသုံးပြုပေးရန်နှင့် အစက် (doc) မချရန်ဖြစ်ပါသည်။)
မျက်ရည်ခြယ်သောစာပန်းချီ
(အက်ဆေး)
ရေးသားသူ = ဆုဂျေ
ကျောင်းဆရာမလေးတစ်ယောက်နှင့် သူ၏ တပည့်ငယ်လေးများအကြားချည်နှောင်ထားသော အဖြူရောင်မေတ္တာ သံယောဇဉ်ကို ရေးဖွဲ့ထားခြင်းဖြစ်သည်။ ဆရာမလေးနှင့် ခွဲခွာရတော့မည်ဖြစ်သော ကျောင်းသားငယ်လေးများ၏ ကြေကွဲခံစားမှု တို့ကို တစ်နေ့တာဖြင့် ပုံပေါ်အောင်ရေးသားသွားသည်။
အချက်အလက်အနေနှင့် အနည်းငယ်ထောက်ပြစရာရှိသည့် စာမူဖြစ်ပါသည်။
ဒုတိယပိုဒ် (( တစ်မနက်လုံး LPC အတွက် T.E.O ရုံးမှာ လုပ်စရာရှိတာလုပ်နေတာမို့ နေ့လည်ထမင်းစားချိန်ကျမှ ကျွန်မ ကျောင်းသို့ ရောက်သွားခဲ့သည်။))
န၀မပိုဒ် (( ကဗျာတစ်ပုဒ်လုံးဆုံးသွားတော့ သူတို့လေးတွေ မျက်ရည်များ တစစ နှင့် ပျောက်ကွယ်ကုန်သည်။ ကျွန်မ လည်း ပျော်လာသည်။ ခဏကြာတော့ မုန့်စားကျောင်းခေါင်းလောင်းထိုးသည်မို့ မူလအစီအစဉ်အတိုင်း ဆရာမကြီးက ဦးဆောင်ပြီး တပည့်လေးများကို ကျွန်မအား ကန်တော့ခိုင်းသည်။))
တစ်နေ့တာအတွင်း ပုံဖော်ရေးသားထားသည့်စာမူဖြစ်သည့်အတွက် မည်သည့်ကျောင်းဖြစ်စေ နေပလည်ထမင်းစားချိန် (သို့) မုန့်စားကျောင်းဆင်းချိန် အတူတူပင်ဖြစ်ပါသည်။ ဆရာမလေးနေ့လည်ထမင်းစားချိန်မှ ရောက်သည်ဟုဆိုလျှင် Unit တစ်ခု Poem တစ်ပုဒ်သင်ပြီးချိန်သည် ညနေသို့သာရောက်ပါလိမ့်မည်။
The Calendar သည်လည်းကောင်း၊ The Brodges ဟူသော Poem သည်လည်းကောင်း တက္ကသိုလ်ဝင်တန်း အင်္ဂလိပ်စာ ၏ ကနဦးသင်ခန်းစာဖြစ်ရာ တပည့်များနှင့် တစ်နှစ်တာတွေ့ဆုံရင်းနှီးခဲ့သည်ဟု ဆိုထားမှုသည် မသေသပ်မှုတော့ ဖြစ်ပါသည်။ သို့ သော် “ကိုးတန်းကတည်းက ထိုသို့ရွတ်ဆိုလျှင် သူတို့အင်မတန်ပျော်သည်” ဟူသောတစ်ကြောင်း ထည့်သွင်းထားရာ ကိုးတန်း၊ ဆယ်တန်း အင်္ဂလိပ်စာပြဆရာမတစ်ဦးတည်းဟု ခန့်မှန်းရပါသည်။ သတိပြုရန်မှာ မည်သည့်သင်ခန်းစာကိုမဆို (အထူးသဖြင့် အင်္ဂလိပ်စာဘာသာရပ်တွင်) စာသင်ချိ်န်တစ်ချိန်တည်းနှင့် Unit တစ်ခု၊ Poem တစ်ပုဒ် ပြီးအောင် သင်ကြား၍မရပါ..။ စာပိုဒ်တိုင်း တွင် ကျောင်းသားတိုင်းအတွက် မသိနားမလည်သော ဝေါဟာရများ၊ သဒ္ဒါအထားအသိုများ မေးနိုင်သော မေးခွန်းများ၊ အဓိပ္ပာယ် အနှစ်သာရများ ပါဝင်နေရာ မြင်သာထင်ရှားအောင် ရှင်းလင်းရမည်ဖြစ်၍ အချိန်ယူရပါလိမ့်မည်။
စကားပြေနှင့် စကားပြောရောယှက်နေသော စာမူဖြစ်ပါသည်။ စာကြောင်းများကို ထုတ်နှုတ်မဖော်ပြတော့ပါ။ စာရေးခြင်း အနုပညာရှိသည့်အတွက် သေချာစွာဆန်းစစ်လျှင် တွေ့မြင်ပါလိမ့်မည်။ မည်သို့ဖြစ်စေ ခံစားမှုပုံရိပ်တို့ကို ရိုးသားစွာရေးသားသွား၍ ချစ်စရာကောင်းသော အက်ဆေးတစ်ပုဒ်တော့ ဖြစ်ပါသည်။ ချစ်ခြင်းမေတ္တာကို ငိုရှိုက်မှု၊ မျက်ရည်သွင်သွင်ကျနေသည့် ခပ်စင်းစင်း ဖော်ပြချက်များထက် သိမ်မွေ့လှပစွာ ပုံဖော်သွားနိုင်လျှင် ပိုမိုကောင်းမွန်လာနိုင်ပါသည်။
ဆက်လက်၍ အသစ် အသစ်သော ဖန်တီးအားထုတ်မှုများကို စောင့်ကြိုနေပါသည်။
ကြိုး
(၀တ္တုတို)
ရေးသားသူ = ဂျွန်မိုး
နှောင်ကြိုးမျိုးစုံတို့ဖြင့် တွယ်နှောင်ကြသည့် လောက၀ယ်ဖြူစင်သော မေတ္တာဖြင့် သံယောဇဉ်တွယ်ငင်ကြသည့် သူငယ်ချင်း နှစ်ဦးအကြောင်းရေးသားထားခြင်း ဖြစ်သည်။ စရိုက်သဘာဝမတူညီမှုက ပတ်ဝန်းကျင်၏ အမြင်ကို အရောင်ဆိုးစေသည်။ တွေ့ဆုံ ရင်းနှီးရာမှ အ စ ပြု၍ အဖြစ်အပျက်တို့၏ နိဂုံးဆီသို့ ညင်ညင်သာသာဆွဲခေါ်ရေးသားနိုင်သည်။ လောကတွင် ဖြတ်တောက်ရ အခက်ဆုံး “ကြိုးတစ်မျှင်” အကြောင်း ပေါ်လွင်အောင် ရေးသားသွားပါသည်။
ဆရာထက်မြက်ရေးသားသော ၀တ္တုအနုပညာမှ ကောက်နှုတ်တင်ပြချင်ပါသည်။
“၀တ္တုရေးသူက သူ့ဇာတ်ကောင်များကို ဖန်တီးရာတွင် တချို့ဇာတ်ကောင်များကို နိုင်နိုင်နင်းနင်းဖန်တီးနိုင်သလို တချို့ ဇာတ်ကောင်ကို မနိုင်ဘဲ စာရေးဆရာက အတင်းလိုက် ဆွဲခေါ်ရသည်မျိုးလည်း ရှိသည်။”
“လူတို့၏ သဘောသဘာဝများ၊ လူတို့၏ပြဿနာရပ်များ၊ ဘ၀များကို ၀တ္တုရေးဆရာ ဖန်တီးချင်၊ ဖော်ပြချင်သော ရှုထောင့် မှနေ၍ စာဖတ်သူကို သိသာစေပါသည်။ ၀တ္တု၏ အနီးကပ်ဆုံးမှာ ဘ၀ဖြစ်ပြီး ထို ဘ၀မှာ အားရှိဖို့လိုပါသည်။”
“ကြိုး” တွင် နှောင်တွယ်မိသော သံယောဇဉ်ကို ဖော်ပြသည်ဖြစ်ရာ အဓိက ဇာတ်ဆောင်နှစ်ယောက်၏ ပုံရိပ်မျှတရန်လို ပါသည်။ First Person အနေနှင့် ရေးသားထားသည့်တိုင် ထို ပြောပြနေသူ၏ စကား၊ အတွေးပုံရိပ်၊ အဖြစ်အပျက် တို့မှနေ၍ ဒုတိယ ဇာတ်ဆောင်၏ ပုံရိပ်ကို ပီပြင်ကျနအောင် ဖန်တီးလျှင်ပိုမိုလှပပါလိမ့်မည်။ တစ်နည်း သံယောဇဉ်ပြသမှုသည် ဟန်ချက်မညီ သော အခါ နောက်ဆုံးချိုးချလိုက်သော အခန်းသည် ဘောင်ကျော်လွန်သွားသော ခံစားမှုများဖြစ်သွားပါသည်။ ရုပ်ရှင်စကားဆိုရသော် Over Acting ပင်။ ခပ်ပါးပါးရေးဖွဲ့မှုမှ နေ၍ သေသပ်စွာရေးသားသွားလျှင် စာဖတ်သူ၏ နှလုံးအိမ်သို့တိုက်ရိုက် ထိခိုက်ခံစားမိပါ လိမ့်မည်။
အရေးအသားအနေနှင့် အထူးပြောစရာမရှိလှသည့်စာမူဖြစ်သည်။ စာလုံးပေါင်းအမှားအယွင်းနည်းသော၊ စာရိုက်သေ သပ်သော၊ တစ်ခန်းနှင့် တစ်ခန်း အကူးအပြောင်းလှပသေသပ်သည့် လက်ရာရှင်ဖြစ်ပါသည်။
ဂျွန်မိုးသည် ဒုတိယအကြိမ်မြောက် စင်တင်လက်ရာရှင်ဖြစ်ရာ အားနည်းချက်၊ အားသာချက်များကို ဆန်းစစ်နိုင်ပြီး များစွာ သော အနုပညာမြောက်သည့် စာပေများ ဆက်လက်ရေးသားနိုင်ပါစေဟု ဆန္ဒပြုလိုက်ရပါသည်။
ကလောင်သစ်များအားချစ်ခင်စွာကြိုဆိုလျှက်
အယ်ဒီတာအဖွဲ့
ရွှေဒေါင်းတောင်အွန်လိုင်းမဂ္ဂဇင်း